إوعـى تميــل

         إوعـى تميــل

وإنت قاعـد على الايـمـيل

إوعى تضعف إوعى تميل

إوعى ريـقـك مـرّه يـسيـل

وتبـدأ طريق الألـف مـيـل

خليّـك تقيــل..

وإوعى تميل..

                            لـوظهـرلـك منـظـر قـبيـح

                            وقـعـد يـلـح كـأنـه فـحـيـح

                            إهرب منـّه بسرعه وزيح

                            إوعى تجرب لتعود جريح

                            وبدون تصريح..

                            هـتبـقى سطيـح..

هيطفـوا فـيك معانى ساميـه

ويقـيدوا فـيك غـريزه نايمـه

وهـيغـذوهـا بطـريقـه دايمـه

تكوى روحك ونارها حاميه

خـلـّـيهـا نـايـمــه..

دى نارها حاميه..

                            خلـّيك حريص وسدّ المنافـد

                            لـيصيـبوا قـلـبك بسهم نـافـد

                            بلاش تـبحلـق فى كـل وافـد

                            نظـرة عيـنيـك لـيهـا روافـد

                            مـلـهـاش مثـيـل..

                            إوعـى تـمـيـــل..

لـووسـوسـلـك بالسـوء قـريـن

إوعى تـهـاوده خـلـّيك رزيـن

قول له حرام أنا صاحب دين

الـنـظـره عـنـده زنـّا بالعـيـن

خلـّيـك رزيـن..

وإوعى تلـيـن..

                            راقــب ربّــك فى كــل حـيـن

                            وجاهـد نفسـك عـشـان تـليـن

                            وطـاعـة ربّـك خـير معـيـــن

                            فى سبـيل سعادتـك والتمكـين

                            خلـّيك أصيـل..

                            وإوعى تمـيل..

                           أ/ محمد خميـس حميده

                         (14)