جبهه لخراب الوطـن
جبهه لخرب الوطن
وبتدعى الإنقاذ
بتثير وتنشر فتن
وتشوه الإنجاز
أس البلاء والمحن
وكتير من الألغاز
بسببهم شوف كام كفن
وعاهات غير اللى إتسجن
لشباب ولا الألماظ
جبهه لخراب الوطن
وبتدعى الإنقاذ
لقب كبيرهم بردع
مشهور وله حكايات
ودماغه لما بتلدع
يرطن ولا الخوجات
عاوزنا نلف ونرجع
بالثوره للبدايات
وعشان جنابو نرقع
دستورنا لجل مايوضع
مواد تحمى الشواذ
جبهه لخراب الوطن
وبتدعى الإنقاذ
فى الجبهه حبّـة عاهات
ملقتلهومش مثيل
بينهم كتير خلافات
فى الوجهه والتأصيل
واحد الكرسى له قبله
والتانى مدى على أبله
والتالت بناب أزق
والرابع بيقص ويلزق
والخامس شريكنا فى القبله
بيصطاد بدود سبله
نفسه فى يوم يبقى
بديل يكون أخاذ
جبهه لخراب الوطن
وبتدعى الإنقاذ
محمد خميس حميده
إسكندريه
