لو حسـّيت بحاجات خفـيـّه
شَلــّه حركتك بقيود عفـيـّه
عاوزاك تبقى إنسان هفيـّه
تـقـعـد تـدور.. ذى الـتـور
وتعيش حياتك.مالكش دور
إوعى..!
إوعى تدوروتقـول معزور
وإوعى تكون عبد المأمور
فـك قـيـودك .. يـالله وثـور
حرر نفسك خلـّيك نحـرور
لو هتسلم هتعيش طرطور
إوعى..
لـوالـظـلـم أصبح وتـيــره
وإتهموك بحاجات خطيره
أوأخدوك من غير جريره
وحسـيت إنـك مُهـان
والوطن مبقاش أمان
إوعى..!
إوعـى تـفـقـد الإيـمـــــان
إوعى تخضع مهـما كـان
الخضوع مافيهـوش أمان
والطغيان مـالـوش مكـان
إلا فى شعب يكون جبان
إوعى..
لـو إسـتـنفدت كـل حـيـله
والنفـوس فـضلـت ذلـيـله
والأمانى بانت مستحـيله
والعيون فيها إنكسار
خايـفـه تحلم بالنهـار
إوعى..!
إوعى تضعـف أو تنهـار
إوعى تـفـكـر فى الفـرار
مهما كـان حجـم الـمـرار
حـاول تــانى وبإصــرار
لـكـل لـيـل دايـما نـهـــار
إوعى..
لوالـوطـن مـبـقـاش طمـوح
والأحـلام صـابهـا الجمـوح
وتداوى جرح تظهر جروح
والحيـاه صابها الشـلل
مش عارف فين الخلل
إوعى..!
إوعـى تـفـقـد الأمــــل
أو تقول عزمك خَمْــل
حتى لـو خطبك جـلــل
واصل كفاحك والعمـل
لحــد مـاتـنـول الأمــل
إوعى..
أ/ محمد خميـس حميده
ليست هناك تعليقات:
إرسال تعليق