قولوا للمجلـس يـمكن يسمـع
إوعى السلطه فى عينك تلمع
تـلـزق فيها وتـرفـض تـطـلـع
ظــانـن إن مـكـانـتـك تـشـفــع
وإن الشعب هيرضى ويخضع
فــُوق ياكـبـيـر ..
السلـّطه بتْسّكِر
إحـنا كـرهـنـا ..
حـكم العـسّكــر
قولوا للمجلس
* ** ** *
قولوا للمجلس إوعى تعـوّل
على خلافاتنا وتيجى متحوّل
ونفسك ليك بالسلطه تسـوّل
وتـنـسى تـمام إنـك مـتخـوّل
بنقـلها سلمى بدون ماتطوّل
إنـت كـبـيـــــر
وأكبر -م-السلطه
طـمعـك فـيها
أكـبـر غـلـطــــــه
قولوا للمجلس
* ** ** *
قـولوا للمجلس إوعى تأوّل
نـَص كـلامى وإوعى تهـوّل
لسـّه الـشعـب مـش مـتخـيّل
إن فى وعـدك تـطـلـع عـيّـل
وتـشبط فـي السلطه وتـريّل
فـوق ياكـبـيــر
وإخزى شـطانك
حــافـظ عـلى
هـيـبـة أركــانـك
قولوا للمجلس
* ** ** *
قولوا للمجلس آخر مرّه
مصر بلدنا صبحت حرّه
وإن يـنايـر كانـت ثـوّره
على أوضاعنا جوّه وبرّه
وإن طويلتوانعيدواالكرّه
فـوق ياكـبـيـر
وبلاش السعّره
أحـسن تـقـطع
بـيـنـّا الـشـعّـره
قولوا للمجلس
ا/ محمد خميس حميده
ليست هناك تعليقات:
إرسال تعليق