تـاهـت خـطـاويـنـا
وطال الطريق بينا
حـتى غـنـاويـنــــا
معـدتـش تـشجـينا
تاهت خطاوينا
من إمتى غاب الـبدر ؟
من إمتى ضاع الفجر ؟
من إمتى جـف النهـر ؟
ومـات الـحـب فـيـنــا ؟
تاهت خطاوينا
فى الوهم عشت سنين
أجـرى شـمـال ويـمـين
شايل فى صدرى حنين
وسفـنتى من غـير مينا
تاهت خطاوينا
فى الغـربه قلبى عليل
ولـيـل الغـربه طـويـل
تـايـه ومـالـى دلـيـــل
يـامـيـن يـواسـيـنــا ؟
تاهت خطاوينا
إمتى هـييجى اليوم
يـاكـل أهـل الـكــون
من كل جنس ولون
ونعـيـش لبعـضـيـنا
تاهت خطاوينا
ا/ محمد خميس حميده
ليست هناك تعليقات:
إرسال تعليق