إكمنـّى مصرى!

          إكمنـّى مصرى!

ممكـن أكـون إنـسـان بسـيط

                                       عايـش حـياتى جنب الحـيط

آكـل يـومـاتى دقـّـه وسمـيط

                                        لكن تشوفنى تقول ده حويط

                           إكمنى مصرى..

ممكن تـشوفـنى تقـول غلبان

                                        وتـظـن إنى طالـب إحـســان

لكـن تـشوفـنى فى أى مـيدان

                                        تحـتار تقول إنـسان إو جـان

                           إكمنى مصرى..

ممكن أعيش فى الغربه سنين

                                        أسـعى بـهـمـّه شـمـال ويـمـين

شـايل فى قلبى لوطنى حـنـين

                                        مـالوش مثـيل..للناس والطـين

                           إكمنى مصرى..

ممكـن أغـنى وقـلبى بـيــبكـى

                                        وأسعدغيرى كأنى فى سيركى

ولمـّا لـقـونى ماحـبّـش أشـكـى

                                        قــالــوا عـنى إنـّى كــاوركــى

                           مع إنى مصرى..

ممكن أسكت ويطول سكـوتى

                                         ويـظـنوا إنـّى فـقـدت صـوتى

ولـمـّا أتـكـلـم و يعـّلا صـوتى

                                         الكل يسمـع ويطيـع شروطى

                           إكمنى مصرى..

دايـماً راضى بحـالى وصابـر

                                         أيـّـاً كـان الـظـرف الحـاضـر

رغـم ده كـلـّه معـد تـش قـادر

                                         أشوف هوان فى بلادى وأكابر

                           إكمنى مصرى..

(16)                                        أ/ محمد خميـس حميده