أنا المجروح غريب الروح
قـلـيـل الفـرح كـتير الـنـوح
وبإيه هـتـفـيـدى يادمـوعـى
مادام الـجـرح فى ضلـوعـى
بـيـنـزف هــم جـوايـا
ومش قادر أقول الآه
ولا قادر بألمه أبـوح
أنا المجروح
حاولت أفـرح حاولت أطـرح
عـن نـفـسى الهـم والأحـزان
لقـيت الفـرح مالوش مطـرح
فى قلب عشش فيه الحرمان
أتارى الحـزن فـيـنا
عايش بقالـوا سنين
بـيـاكـل مـن قـلـوبنا
ويـشـرب من عـنينا
ويـسـرق من إيديـنا
م العمر أحلى سنين
وفين أروح
وأنا كُلى جروح
ومش قادر بألمى أبوح
أنا المجروح
مـشتاق أعـيش ياأحـزانى
مـشـتـاق أفـرح بـأيــامـى
أمـــانى كـتـيـره وخـدانـى
بـأعـانـى مـنهـا وتـعــانـى
بـتـصـرخ جــوّه وجــدانى
حـاجـات كـتـيـره مـنعـانى
أشـوف الصـبح مـن بــره
وأعـيـش العـمـر لـو مـره
وأبنى فى الحقيقه صروح
أنا المجروح
ا/ محمد خميس حميده
ليست هناك تعليقات:
إرسال تعليق