إيه اللـّى صابك ياوطن؟
خَلا ّك تـطـاطى للزمـن
وتسـيـب ولادك لـلمحـن
قاعـد لـوحدك فى وهـن
عمـّال بتغزل فى الكفن
إيـه اللـّى صابك ياوطـن؟
كـان إيـمـانـك بـالـحـيـاه
أسـاســه تـوحـيـد الالــه
كـنـت مـقـبـره لـلـغــزاه
أصبحت مفرخه للطغـاه
وصارفى أرضك كام وثن
إيـه اللـّى صـابك ياوطن؟
كـنـت دايمـاً فى الصـــداره
تـقـتـحـم الـغــد بـجـســـاره
النـهـارده يامـيـت خـسـاره
أصبحت فى ديل الحضاره
وكـانـت بإسـمـك تـقـتـرن
إيه اللـّى صـابـك ياوطـن؟
كـنـت قـبـلـه لـلأ مـــــانـى
عرفنا فيك أسّـمى المعـانى
أصبحـت واحــه لـلغــوانى
وفى كل شىء عمّال تعانى
والـفـســاد عـنــدك ركـــن
إيه اللـّى صـابـك ياوطــن؟
كـنت لـيـنـا حُـضـنْ دافـى
بـتحـتـويـنا بـقـلـب صـافى
النـهـارده ماعـد ش خـافى
بـتـعـامـلنـا بـشـكـل جــافى
والانـتـمــاء هــوّ الـثـمــن
إيه اللـّى صـابـك ياوطـن؟
إنـت بعـدت عنـّـا يـامـــا
وإحنـّا من غـيرك يتـامـا
مـلنـاش قـيمـه وكـرامــه
إمتى هـترجع بالسـلامـه
وتـكـون لأحـلامـنا سـكـن
عــود لـشـعـبـك يـاوطــن..
نشرت فى مدونة ( عابر سبيل ) فى 5 فبراير 2010
www.abrsapeel.maktoobblog.com
ليست هناك تعليقات:
إرسال تعليق