حتى لو هتموت فطيس
حتى لو مدعوم بشده
من واشنطن أوباريس
قوم..قوم..
قوم وقاوم التوريث
هيقولولك عملنا خطه
نرفع بيها شأنك إنت
قول لهم بلاش أونطه
كل خططكونظام تدبيس
قوم..قوم..
قوم وقاوم التوريث
إحنا مش حبّة بلاليص
أوأثاث من الرخيص
يورثوه حـبّة مفاعيص
والباقى قاعد قراطيس
قوم..قوم..
قوم وقاوم التوريث
الـتوريث أكـبرإهــانـه
لــكل أبنـــاء الكنانه
حتى لو صاحب مكانه
أكبرمن إبن الرئيس
قوم..قوم..
قوم وقاوم التوريث
التوريث ده نقطه فارقه
لو حصل راح تبقى غارقه
ووقعتك راح تبقى زرقه
ولــــيلك أســـود غطـــيس
قوم..قوم..
قوم وقاوم التوريث
ليست هناك تعليقات:
إرسال تعليق