ودّعـت الطفـولــه
وفى طورالرجوله
لقيتهم ورايـــــــــا
ًًً رُحت شمـال
راحوا ورايا
لفيت يميــن
لفّوا ورايــا
إيه الحكايه؟
هوّمفيش وراهم سوايـا؟
* ** ** *
نـسـيـت كـل حاجــــه
وجريت فى الشوارع
من عطفـه لحــــــاره
لحــــد المنــــــــــاره
وهمّــــه ورايــــــــــا
الظاهرمفيش وراهم سوايا!
* ** ** *
تعبت..وقفت..
قلت أشـوف إيه الحـكايــه!
روحى رفضت تقف معايـا
فضلت تجرى وتقول دى النهايه
وسابت جسمى مجرد بقايا
شخطوا وقالوا:
- إنت ميـن؟
قـلت بثبـــات:
- أنا إبن مصــــــر.
ضحكواوقالوا:
- كذ بــــت.
قلت إسالوهـــا
هتقــول إنـى صــــادق
عمرى ماخنت
أوكنت سـارق
قالواكـذ بــت.
قلت إسالوهــا
مش هتقول إنى عـــاق
أوهتقـول عنى مـــارق
قالواكـذ بــت.
قلت:
- شوفواملامحى
هتلاقوا طمى نيلهــــا
شوفوا حتى جرحــى
هتلاقوه منها وعليهـا
غضبوا وقالوا كذبت
قلت:
روحى سابتنى وجريت إليها
لمّا حسّت خطركوا عليهـــــا
هاجوا وماجوا وقالوا:
- كذ بـــت
ربطـــوا إيـد يّــــــــا
وغمّـــوا عينيّـــــــــا
صرخت وقلـــــــت:
- إنتـوا ميــن؟
قالوا:
- إحنـا مصـــر.!
صُعقت..
حسّيت إنى إنكسرت
خــــارت عـزيمـتى
وبــــانـت هزيمــتى
وقعـت..
همست:
- الظاهر إنى مُت!
قالــوا..صــد قـــت
تمتمت بمـــــرااره:
- ياخســــاره.
وغبت..
هتفــوا بجســــاره
فى قلب المنــــاره
عاشت مصر الحضاره
عاشت مصر الحضاره. (المناره/المقابر )
تم نشرها فى مدوننى ( عابر سبيل ) بتاريخ 5فبراير 2010
www.abrsapeel.maktoobblg.com
(4
ليست هناك تعليقات:
إرسال تعليق