لوإنت مصرى .. !
لوإنت مصرى ونزلت الميدان
شايل روحك فى كـفـك عـشان
تـفـدى بـيها الـوطـن اللى هـان
وتـفسح لـبكره فى أرضه مكان
وشفت الضحايا مشاهـدة عـيان
مكونتش..
مكونـتـش تـتأسف لواحـد جـبان
خـان الأمـانـه وسـقـانـا الـهـوان
وبـعـثـرهـيـبـتـنـا فى كـل مـكــان
وسـلـّم دمـاغـه لـلـسـت سـوزان
وكـان هـيـورثـنـا لإبـنـه كـمـــان
لـوإنت مصـرى ونزلـت الميـدان
*
** ** *
لوإنت مصرىوقاسيت م اللى كان
وعـشت فى مذله وحـوجه وهـوان
ومـاشى مـطـاطـى جـنـب الحـيطـان
خـايـف تـحـلـم يـرمـــوك بـالـجـنـان
وخـوفـك منعـك من نـزول المـيدان
كنت ..
كـنـت هـتـشـعـر بـأنـك مـدان
أو ع الأقل ببعـض الإمتـتـنان
لكل اللى ضحى ونزل الميدان
وحـرر إرادتـك بـعـد الـهــوان
وخلى رقابتك فوق فى العـنان
لوإنت مصرى وقاسيت م اللى كان
*
** ** *
لو إنت مصرى بجد وأصيل
وحب البلد دى سقيك الويل
وهمّها راكبك صبح وليل
وحالها المايل عاملك حيل
وصبرك نفد وطفح الكيل
مكونتش ..
مكونتش تقعد ذى العويل
مستنى يجيلك واحد كفيل
ياخدك لبلده كإنك دخيل
وتبدأ بسرعه الطريق الطـويل
دى بلدك رجعت ورحل العميل
لـو إنـت مصرى بجـد وأصـيل
