مصر ولا ّده ياريـّس

دى مصرولاًده ياريّــس
كلام صحيح مش بنميّس
تاريخها يشهد على قولى
ماينكروش إنسان كيّس
دى مصر ولاده ياريّس

مصردى فضــلة خـيرها
على اللى منها وعلى غيرها
محـدًش يـقـدرينــكــرها
إلا جــاحـد ومـدلـّـــــــــس
دى مصر ولاًده ياريّس

عباقـره شربوامن نيـلها
هـربواولافـواعلى غيرهــا
لمًـا يأسـو فى تغــيّرهــا 
مابين روتين ومخّ متربّس
دى مصرولاًده ياريّس

مصراللـّى هديـتم حيـلـها
وسبتوالحميرتسبق خيلها
والحزب بات يغـزل ليلها
والكـل قـاعــد ومتيّـــــس
دى مصرولاًده ياريّس

مـصــرمـحتـاجــه إداره
صـدق ومـهاره وطهــاره
مش اللى واخدنها تجـاره
وشـغُـّالــين عُــك وليّـــس
دى مصر ولاده ياريّس

بكـره ييـجى اللى يشيـلها
وقـبل مــايـاخــد يـديـلـهـا
ولمًا تنهـض عـلى حـيلـها
سـاعتها هنقولـه ياريّـــس
دى مصرولاًده ياريّس


نشرت فى مدونة ( عابر سبيل )بتاريخ 14 مارس 2010 وموقعها على الويب هو
www.abrsapeel.maktoobblog.com