صحيـّت الصبح بدرى
صلـّيت ونزلت أجرى
أستفتى –ع- الدستور
بـشـاير الصبح كانت
يادوب خيوطها بانت
والعـتمّه خانقه النور
لـقـيـت اللجنـه زحمّـه
بناس أعدادها ضخمّه
لكـن واقـفـين طـابـور
منظرهم كان حضارى
حتى فى قلب الحوارى
والكــــل كـان مبهــور
شوفت صحاب الفخامـه
حاولوا يسوقوا الرخامه
ويـخـشّـوا من غـير دور
الناس هاجت وصاحت
الكوسه سنينها راحت
وكـلـّه يـقـف طـابـــور
الروس خلاص إتساوت
ومعــدش فـيـه تـفــاوت
بين صوتنا فى الدستور
الحريه دى مسؤوليه
وإنـضباط وإيجـابيـه
فى معـالجـة الأمـــور
الحـريـه مـش إنـفـلات
أوتـحـلـل وإنـحـطـــاط
فى السـلوك أوالشعـور
أخـيراً أصـبحــت حــــر
وبصوتى راح ابنى مصر
بـالحـق مــش بالـــزور
ا/محمد خميس حميده
ليست هناك تعليقات:
إرسال تعليق