قبل يناير 25
كنت تشـوف الـمـصـريـيـن
جـّوه عـيـونهـم حزن دفـين
فى بلادهـم عايشين أغـراب
هـجـرتهـم كـانـت أســــراب
كعب وداير..
قبل يناير
كان المصرىفى كـل مكـان
حـاسـس دايمـا إنه مـهــان
فى بــلاده أو فى الـبلــدان
اللى بتــخـنق فى الإنســان
حلمه الحاير..
قبل يناير
كان الصـبر على الـطـغـيان
اللى جـدوره فى كـل مـكـان
خلّى الشعـب المصرى يبان
-رغـم تاريخـه- كإنه جبـان
وطبعه مغاير..
قبل يناير
كانت الصوره كتير مقصوره
على سـلبـيـة نـاس مقهـوره
وفـراعــنه مـالييـن الصـوره
ظـن سقـوطهم كان اسطوره
حتى يناير
بعد يناير
كان إحساسنا ببعض مغاير
لمّـا إدتـنا الثــوره بـشــايـر
على إسقـاط الحـكم الجـايـر
ومصـر بـلادنـا أم ضـفـايـر
لاحت لينا وبتتمايل
بعد يناير
شُفت تاريخـنا الحـاضر كـلّه
شاخص بصره بضعفه وذله
مـش قـادر يـتـصـور إنـه
رغم خمـوله يخـرج منـه
مارد ثاير..
بعد يناير
ضرب العـالم لينا سـلام
لمّا إنتفض الشعب وقام
بتنـاغـم ولافى الأحــلام
والثـوره صبحـت إلهـام
للأمصار والجزاير
بعد يناير
أخد الجيش الثوره فى حضنه
لـمّـا الشــعــب أحـسـن ظـنـه
وظـهـر الحـلـم أمــامى كـإنـه
فـاضـل خـطـوه ونـنــال منـّه
ويصبح ساير
بعد يناير
فى عز الثوره وبعد نجاحها
مصر جـديده بـدت ملامحها
تظهـر ليـنـا رغـم جـراحـها
والأحـلام أطـلقـنا سـراحـها
وكنا أساير
بعد يناير
بعد الثوره مافيش توريّه
ولاراح نبقى لقـمـه طريّه
اللى يـذوق طعـم الحـريه
عـمره مايقـبل بالعـبوديه
أو يتعاير..
بعد يناير
ا/محمد خميـس حميده
ليست هناك تعليقات:
إرسال تعليق