يامصر قـومى فاضـلك إيـه ؟
عـشان تـكـونى إنـتى الأولـه
هُمه اللى سبقوا..سبقم لـيه ؟
عــشـان جــنابــك مشغــولـه
مشغـولـه كـونـتى بـس بإيـه
ياريتها كـت حـاجـه مهـولـه
سبتى تاريخـك يـبـنوا عـلـيه
فـرطى فـيـه كـده بـسهــولـه
يامصر قومى فاضلك إيه ؟
عـشان تكونى إنتى الأولـه
يامصــر قـومى وهـمى الآن
لـمى تاريخـك - م - الـبلـدان
عـظـمة تاريخـك فى الإنسان
الـلى فى عـلـمـه كـان فـنـان
لـو إنـشـغـلـتى عـنـه وهــان
هـتهـونى إنتى بقـدر ماهـان
وتاريخك يصبح فى خبركان
وتـكـونى إنـتى الـمـسـؤولـه
يامصر قومى فاضلك إيه؟
عشان تكونى إنتى الأولـه
عـيـون الـعالم بتنظـر إليكى
بتسأل بلهـفه ..طريقـك لفـين؟
أطياف كـتيره تشد فى إيديكى
إيـشى شـمـال وإيـشى يـمـيـن
حبك شاغلهم وخايفين عليكى
تخشى فى متاهه تضيّع سنين
ماتـقـومى يـاللـّه يابـنـت الإيـه
أحـسـن يـقـولـى دى كـسـولـه
يامصر قومى فاضلك إيـه؟
عـشان تكونى إنتى الأولـه
ا/محمد خميس حميده
ليست هناك تعليقات:
إرسال تعليق