إكـمـن أنـا مـصــرى
وليّا تـاريخ حصـرى
فيه الفخـار والنصـر
حاولوا كتـير قهـرى
وطعـنى مـن ظهـرى
عشان تهـون مـصـر
لـكـن سـنيـن الـقهــر
خـلـّت عزيمتى صخـر
وكـان الثمن والـمهـر
شهـداء ماليهم حصـر
من خيرة شباب مصر
عـشان يعــود فجــرى
أيوه أنا مصرى ...
أيوه أنا مصرى...
وليـّا الشرف والفخر
إنى أكون من مصـر..
* * *
قـالوا عليّا زور
إن معينى نضب
وأرضى صبحت بور
ومعـدش عليّا طـلب
وخلاص فقدت الدّور
أصبحت تابع ذنب
كان الكلام ممرور
لـكنه كـان السبب
إنى أنتفض وأثور
وأفجر طاقات الغضب
ووقف التاريخ مبهـور
يـبـص ليّا بـعــجــــــب
وسجل حروف من نور
وأهـم شيىء إنـكـتــــب
المصرى طـيب صبـور
وكلـّه حـس وأدب
لـكنه لـمّا يـثـــــور
العالم يقوم ينقلــب
أيوه أنا مصرى....
أيوه أنا مصرى...
وليّا الشرف والفخر
إنى أكون من مصر
* ** ** *
تاريخ عريق مليان إلهام
وشعب عظيم حكموه أقزام
صادروا فيه حتى الأحلام
ونالوا منه مع الأيام
لكنه أبى أى إستسلام
وقام يكسر فى قيوده
حرر إرادته بأسوده
وحلفوا أبداً مايعودوا
إلا أما يظهروا ويسودوا
أيوه أنا مصرى..
أيوه أنا مصرى ..
وليّا الشرف والفخر
إنى أكون من مصر
ا/محمد خميس حميده
ليست هناك تعليقات:
إرسال تعليق